حلم ولا حقيقة الجزء الثاني
وفى الشركه
عمر دخل على مكتبه ويدوبك بياخد نفسه جاتله السكرتيره وقالتله المدير عاوزك
حالا
عمر كان طبعا متو قع انه يكلمه على موضوع التاخير
دخل عمر مكتب المديروهو قلقان
عمر : السلام عليكم يا فندم...........حضرتك كنت عاوزنى
عصام : اهلا يا عمر ..........اه اتفضل اقعد ثوانى هكون معاك اهوه
وفضل عصام يبص على الورق اللى قدامه لمد 10 دقايق وعمر بقى على اخره ومش
عارف فى ايه
عصام خلص الورق اللى قدامه وبص لعمر
عصام : عمر انت اول متعينت فقسم الحسابات وانا كان عجبنى شغلك وهمتك
والتزامك فى الشغل بس من فتره وانا شايفك على طول حزين غير الاخطاء اللى
فشغلك وزياده على كده تاخيرك المبالغ فيه انهارده
عمر بكسوف: انا عارف يا فندم انى مأثر فشغلى بس انا عندى مشاكل وحالتى
النفسيه مش كويسه ..........انا عارف ان ده ملوش علاقه ومش سبب بس انا اوعد
حضرتك انى اكون عند حسن ظن حضرتك
عصام : وانا لو مش عارف انك كويس ودى ظروف طارقه انا مكنتش هتكلم معاك
.........اتفضل دلوقتى على مكتبك
عمر : انا اسف يا فندم .........عن اذنك
ولسه عمر هيقوم عشان يروح مكتبه
عصام : ايه العواره دى انت اتخانقت مع حد
عمر: لا اصلى عملت حادثه بسيطه وانا جى الشغل انهارده بس الحمد لله عدت على
خير
عصام باستغراب : حادثه
ولسه عصام مكملشى كلامه مع عمر لقو باب المكتب بيتفتح وبنوته دخله عليهم
وهى منهاره من العياط
قام عصام مفزوع من مكتبه وجرى عليه
عصام بخضه : حبيبه مالك فى ايه
حبيبه : بابا انا عملت حادثه بالعربيه
عصام : وانتى بخير كويسه اتصل بالدكتور
حبيبه : لا يابابا انا كويسه بس انا خبط واحد وتعور
عصام : اتعرو يعنى حصله ايه وهو فين دلوقتى فالمستشفى ولا جراله
حاجه....... ياحبيبتى بطلى عياط واتكلمى
عمر كان كل ده بيتفرج ومش عارف يقول ايه
عمر : اهدى يافندم حصل خير .......محصلوش حاجه هو كويس
عصام باستغراب : وانت عرفت ازاى
عمر : اصل يا فندم انا اللى خبطته الانسه الصبح
حبيبه بطلت عياط وبصت على عمر
حبييبه بستغراب : اه يابابا هو ده بس والله انا غصب عنى كان فى قطه ووقفت
فجاءه
وبداءت تعيط تانى
عصام: خلاص ياحبيبتى اهدى عشان متتعبيش اهدى حصل خير وخدها فحضنه وشويه
وفعلا هديه حبيبه وعمر كان مش عارف يعمل ايه يقف ولا يمشى ولا ايه
عمر : طيب انا هروح اشوف شغلى بعد اذن حضرتك
عصام : لا استنى يا عمر انت اجازه انهارده روح عشان ترتاح
عمر : يا فندم بسيطه مش مستهله انا هشوف شغلى عادى
عصام : اسمع الكلام .........بس عاوز منك خدمه قبل متروح
عمر: خير يافندم ....تحت امرك
عصام : معلشى هتقل عليك توصل حبيبه فى سكتك عشان مش هامن تروح لوحده
بالعربيه وانا عندى اجتماع ومش فاضى
عمر : مفيش مشكله يافندم .....انا بس هروح الم الورق اللى فمكتبى واجيب
حاجتى وهستنى الانسه فالجراج
عصام : شكرا يا عمر بجد مش عارف اقولك ايه
عمر : ولا حاجه يافندم .........بعد اذنك
وبعد حوالى 10دقايق كان عمر فعربيته مستنى حبيبه وبعد شويه نزلت حبيبه
وكانت بتبص على عمر وهى مكسوفه وفضلت وقفه اقدام العربيه
____________________________