حلم ولا حقيقة الجزء الاول (الحلقه الاولى)
بعد صراع طويل بين عمر والنوم اخير استسلم لنومه وغمضت عيونه مع شروق الشمس
بعد مصلى الفجر وحاول يبعد عنه التفكير فاى حاجه مضيقاه ومعدتشى عليه ثوانى
وفجاءه لقى نور الشمس فعينه ومامته بتصحيه بكل حنيه وحب
الام : ياله ياحبيبى هتتاخر على شغلك
عمر وهى بيحاول يفتح عينه و حاسس بجسمه تعبان
عمر : ياماما انا ملحقتش انام
الام : انا عارفه انا سمعاك لحد الفجر بس كده هتتاخر على شغلك وانت لسه
جديد فالشركه ومحتاج تثبت نفسك
عمر بكسل : ليه هى الساعه كام
الام : الساعه 7:30
عمر قام اتنفض من على سريره
عمر : كام يا ماما انا كده اتاخرت اوى
الام : ولا يهمك ياحبيبى انا حضرتلك الفطار البس بسرعه وهتلحق ان شاء الله
قام عمر من على سرير وهو حاسس بالتعب وانه مضايق اوى ومخنوق ولبس بسرعه
وخرج من اوضته ولسه بيفتح باب الشقه
الام : عمر
عمر : ايوه يا ماما
الام : انت مش هتفطر يا حبيبى كل اى حاجه قبل متنزل
عمر باستعجال وهو بيبوس راسها
عمر : معلشى ياست الكل هاكل اى حاجه فالشغل انا متاخر اوى
الام : ربنا يوفقك ياحبيبى ويكفيك شر الطريق
نزل بسرعه عمر وركب عربيته وطول ما هو سايق حاسس انه مخنوق وحزين وعمال
يشرب فسجاير كتير وحاسس ان فى صداع هيفرتك دماغه وفجاءه لقى عمر العربيه
اللى قدامه بتقف مره وحده وحاول عمر يوقف العربيه وفرمل
جاااااااااااااااامد بس برده خبط فالعربيه وراسه اتخبطت فى دركسيون العربيه
واتعور عواره بسيطه ونزل من العربيه وهو على اخره وقعد يخبط جامد على باب
العربيه اللى قدامه بكل نرفزه وعصبيه وكانت قاعده فيها بنت مخضوضه من اللى
حصل وحاولت تمسك اعصابها بس خوفها زاد اكتر لما نزل عمر بعصبيه يخبطلها على
الازاز وهى فعلا غلطانه ومش عارفه تعمل ايه
فتحت باب العربيه وحاولت تتظاهر بالهدوء ونزلت منها
عمر بعصبيه : انتى مبتشوفيش والا لسه بتتعلمى ولا ايه حكايتك بالظبط
حبيبه بخوف : بجد انا اسفه ......بس
عمر : بس ايه وزفت ايه انتى بنى ادمه عديمة الاحساس والدم لما مبتعرفيش
تسوقى بتسوقى ليه ايه الاهمال ده
وقعد عمر يزهق ويقول كلام كتير ضايق حبيبه اوى
وفجاءه نزلت دموع حبيبه وخوفها ظهر عليها وعمر او ما شافها كده حس بندمه
على كلامه معاها وصعبت عليه
حبيبه بعياط : انا اسفه بس بجد انا فجاءه ظهرت قدامى قطه ولخبطتنى ووووو
وبداء عياطها يزيد
عمر لما شاف دموع حبيبه اتغيرت تعابير وشه من غضب لحنيه وصعبت عليه اوى
عمر برقه : خلاص بقى متعيطيش يا ستى خلاص انا اللى غلطان هواصلا يوم كان
باين من اوله ..........خلاص يا ستى اهدى بس كده ومفيش حاجه....... حصل خير
حاول عمر يهديها وبعد شويه حبيبه بطلت عياط وبصت على عمر لقته متعور
حبيبه بخضه: انت اتعورت
عمر حط ايده على جبينه لقى دم
عمر : ينفع كده
ولسه بيكمل لقى حبيبه هتعيط تانى
عمر : خلاص مفيش حاجه امشى يادم بعيد امشى
وضحك وضحكت حبيبه ضحكه بريئه وجابت شنطتها وخرجت منها منديل وادته لعمر
وعمر واقف معاها وبيبص على الساعه لقى الساعه بقت 9
عمر : ينهار ابيض انا اتاخرت على الشغل .........مع السلامه
وجرى عمر نحيت عربيتته وراح على الشركه بسرعه ووقفت حبيبه شويه سرحانه فعمر
وضحكته وبعدين ركبت عربيتها ومشت هى كمان
وفى الشركه
عمر دخل على مكتبه ويدوبك بياخد نفسه جاتله السكرتيره وقالتله المدير عاوزك
_______________________