حلم ولا حقيقة الجزء الثالث (الحلقه الثالثه)
بعد حوالى 10دقايق كان عمر فعربيته مستنى حبيبه وبعد شويه نزلت حبيبه وكانت
بتبص على عمر وهى مكسوفه وفضلت وقفه اقدام العربيه
عمر باستغراب : ايه هتفضلى وقفه كده ياله اركبى
ركبت حبيبه العربيه وفضلو ساكتين هم الاتنين وبعد فتره من السكوت
حبيبه ببراءه:هو انت زعلان منى
عمر باستغراب : هزعل ليه
حبيبه : اصل انت من ساعة مركبت معاك مبتتكلمشى معايا
ابتسم عمر واستغرب براءتها وعفويتها
عمر :انتى عندك كام سنه
حبيبه : 23 .........ليه
عمر: بجد 23 بتهرجى
حبيبه : بجد والله
ضحك عمر بصوت عالى
حبيبه بضيق: بتضحك ليه
عمر : بصراحه حاسس انك طفله صغيره ........بتفكرينى بمريم بنت اختى فطريقة
كلامك وعفويتك.............حتى لما تبقى عامله كارثه وعارفه انى زعلان
تبصلى ببراءه وتقولى انت زعلان منى زيك كده بالظبط ولا كانها عامله حاجه
حبيبه بضيق: ليه بقى هو انا عمله كارثه
عمر : لا ابدا ولا حاجه خالص ..............ده انا حتى الصبح كنت مخنوق من
نفسى شويه فعورت نفسى
ضحكت حبيبه ضحكه كلها حنيه وبراءه
بصلها عمر باستغراب وهو حاسس انه مبسوط اوى وصوت ضحكتها بيرن فودانه
عمر : وانتى بقى بتعملى ايه ..........بتشتغلى ؟؟
حبيبه :انا درست السن المانى .......بس مش بشتغل
عمر : ليه .......شكلك دلوعه اوى
حبيبه بنرفزه : انا مش دلوعه ولا حاجه
عمر : خلاص ياستى متزعليش ..............انتى ليكى اخوات
حبيبه : لا انا وحيده .............مليش اخوات
عمر : عشان كده بقى
حبيبه : عشان كده ايه
عمر بابتسامه : دلـــــــــــــــــوعه
حبيبه : قولتلك انا مش دلوعه ..............انا بس عندى ظروف خاصه بتخلى
بابا بيخاف عليه شويه
عمر : ظروف ...........ظروف ايه
سكتت حبيبه وفهم عمر انها مش عاوزه تقوله وبعد شويه
عمر : ادخل انهى شارع
حبيبه :الشارع اللى جى شمال .............ايوه شكرا هنا ده البيت اتفضل شويه
عمر : شكرا مره تانيه ان شاء الله
حبيبه : انا بتاسفلك مره تانيه وبشكرك على التوصيله وعلى كلامك معايا
عمر : ولا يهمك .......وانا سعيد انى اتعرفت عليكى
حبيبه بابتسامه طفوليه : وانا كمان ..........مع السلامه
عمر : مع السلامه
وفضل يبصلها لحد ما دخلت العماره ومشى بالعربيه وطول الطريق ابتسامت حبيبه
قدام عينه
وصل عمر البيت واول مدخل مامته وقفت مستغربه انه راجع بدرى
الام بقلق : عمر فى ايه انت تعبان وايه العواره دى فى ايه
عمر : مفيش حاجه انا كويس متقلقيش يا حبيبتى
الام بقلق :طيب راجع بدرى ليه طمنى ياحبيبى
عمر حكى لمامته كل اللى حصل
الام : طيب قوم ياحبيبى نام شويه وارتاح لحد محضرلك الغدا ....والحمد لله
ان ربنا حفظك ليا
عمر مسك ايد مامته وباسها و دخل اوضته وحط جسمه على السرير وكان حاسس انه
جسمه تعبان بس فنفس الوقت مبسوط عكس حالته الصبح واليومين اللى فاتو وغمض
عينه وكان شايف صورة حبيبه وضحكتها مبتفرقهوش واخيرا راح فالنوم
---------------------------------------------------
عدى كام يوم وجه يوم الجمعه كان عمر قاعد فالبلكونه وبيفطر وشويه سمع صوت
مريم جى يجرى عليه
مريم : خالووووووووو
ونطت دخلت فحضنه
عمر : حبيبة خالو ..........ينفع كده اتاخرتى ليه
مريم : ماما هى اللى اخرتنى..... ينفع كده
عمر : ههههههه لا طبعا مينفعشى انا هروح اعلقهالك
مريم :هههههههههههههه حبيبى يا خالى ..... ها بقى هنروح الملاهى امتى
عمر : لا بقى مش هينفع انا تعبان انهارده
مريم بعدت ايده ووقفت زعلانه فجانب
عمر : مريم
مريم مش بترد عليه
عمر : مريوما حبيبه خالها
مريم : مريوما زعلانه ومخصماك
عمر: ليه بقى
مريم : عشان انت وحش وبتكدب على مريوما
عمربصوت زعلان : انا بكدب برده ...انا زعلان منك
مريم : اه انت قولتلى هوديكى الملاهى يوم الجمعه
عمر : وانا ميهونشى عليا زعل مريوما حبيبتى انا بس هلبس وننزل على طول
مريم : بجد هنروح...........انا بحبك اوى يا خالو
وجرت على مامتها وهى فرحانه اوى
وبعد حوالى ساعه كان عمر ومريم فالملاهى ومريم كانت مبسوطه اوى
وبعد شويه من الضحك واللعب
مريم : خالو انا عاوزه فيشار
عمر : ماشى ياستى تعالى اجبلك فيشار
وهم فالطريق بص عمر لقى حد هو عارفه كويس
شاف حبيبه قاعده وشكلها سرحانه وزعلانه اوى
و مشى نحيتها وهو مستغرب وبيكلم نفسه
" هو فى ايه هى على طول حزينه كده ليه "
عمر بقلق : انسه حبيبه
حبيبه باستغراب : عمر .......قصدى استاذ عمر
عمر بايتسامه : قولى عمر عادى ........اخبارك ايه
حبيبه: الحمد لله تمام
عمر: ايه مالك فى حد يبقى فالملاهى ويبقى مكشر كده.........انتى لوحدك
حبيبه بتنهيده: اه لوحدى
عمر باستغراب : لو ده مزعلك ممكن تبقى معانا
وبعدين بص لمريم : مش كده يامريوما
مريم : ماشى عشان متعيطش
ضحكت حبيبه وبصت على مريم : بنتك؟؟
عمر بابتسامه : دى بقى ياستى انسه مريم بنت اختى
حبيبه بطفوليه : ازيك يامريم زى القمر ممكن نبقى اصحاب
مريم : ممكن وانتى كمان زى القمر انتى اسمك ايه
حبيبه: انا اسمى حبيبه
مريم : انا ليه وحده صحبتى اسمها حبيبه .......هتلعبى معانا
حبيبه : لو ده ميضايقكيش يعنى
مريم : لاء تعالى معانا ومتزعليش ..........خالو هات لحبيبه هى كمان فيشارمعانا
عمر : حاضر يا حبيبة خالو انتى
----------------------------------------------------------------
وقامو هم الثلاثه جابو الفيشار وقاعدو يضحكو ويهزرو ويلعبو مع بعض
وكان يوم حلو اوى وكلهم كانو مبسوطين وفرحانين كانو حاسين انهم عيله واحده
بس عمر كان بيستغرب من حبيبه اللى كانت بترفض تلعب اى لعبه فالملاهى كانت
بتكتفى انها تتفرج عليهم
وبعد متعبو ومريم تعبت منهم ونامت قرارو انهم يروحو